Indian T20I opener Abhishek Sharma aajkal headlines me hai, sirf apni zabardast batting ke liye nahi, balki apni rumored girlfriend Laila Faisal ki wajah se bhi. Abhishek ne England ke against 5th T20I match me sirf 54 balls me 135 runs ki dhamakedar innings kheli, jisme unhone 37 balls me century complete kar li, jo India ke liye 2nd fastest T20I hundred hai. Sabse tez century ka record ab bhi Rohit Sharma ke naam hai (35 balls, 2017 vs Sri Lanka, Indore).
Lekin, ab Abhishek Sharma ki love life bhi utni hi charcha me hai jitni unki batting. Social media par Laila Faisal ka naam unke saath joda ja raha hai, aur unki photos bhi viral ho rahi hain.
Kaun Hai Laila Faisal?
Laila Faisal sirf ek social media sensation nahi hai, balki ek successful entrepreneur bhi hai. Unka khud ka fashion brand “Laila Roohi Faisal Designs” hai, jo luxury womenswear ke liye famous hai. Instagram par unke 26.7K followers hain, aur wo kaafi active rehti hain.
Abhishek Sharma is (rumouredly) dating Laila Faisal 🕉️☪️
Her parents are family friends of Suresh Raina pic.twitter.com/GGSosxXqga
— Raj (@Worryna_) January 3, 2025
Ek Reddit post ke mutabik, Laila Faisal 24 saal ki hain aur ek well-established family se belong karti hain. Unki ek behen bhi hai jiska naam Roohi Faisal hai. Laila ne apni schooling Delhi Public School, R.K. Puram se ki hai aur King’s College London se Psychology me graduation kiya hai. Graduation ke baad unhone University of Arts, London se fashion design, marketing aur styling ke courses complete kiye. Fir unhone apna khud ka fashion brand shuru kiya aur ab wo ek successful businesswoman hain.
Abhi tak Abhishek Sharma aur Laila Faisal ke relationship par koi official confirmation nahi aaya hai, lekin fans in dono ke beech ka connection kaafi pasand kar rahe hain. Kya ye sirf ek afwah hai ya sach, ye dekhna abhi baaki hai!
